فن

هذا ماعلق به مكسيم على فيديو العظمة..

مكسيم :هاد الفيديو هو بث الإخبارية السورية بحالها

علقت صفحة الفنان السوري مكسيم خليل

على حلقة نجم سلسلة مرايا ياسر العظمة التي رفع فيها سقف الانتقاد للمرة الأولى.

وتملك الصفحة على فيسبوك نحو نصف مليون متابعاً لكن لا يعرف فيما إذا كانت تتبع بشكل رسمي لمكسيم خليل أو لأ.

وجاء في منشور الصفحة: “هاد الفيديو لازم يتشير بالشوارع مو بس عالأنترنت .. لازم تمشي بشوارع سورية تشوفو يمين وشمال”.

وأضاف المنشور: “أنت بالقلب ياسر العظمة.. متل ما سورية بالقلب .. لأنك مَعلَم من معالمها”.

وأردف: “حدا يروح يفيق النايمين على الكراسي المزخرفة يحطلهن فنجان قهوة ويورجيهم هالفيديو ..بدل جرايد الصباح المكررة”.

وأكمل: “وبس يخلص يسأله سمعتو؟؟ لا لا لا أكيد ماسمعتوه وماشفتوه منيح ..في تفاصيل مرقت مو مارقة عليك من قبل .. مابتعرفها ..مو حاسسها ..مو عايشها”.

وتابع: “لازم تعيده..و يعدلو ياه و يعدلو ياه و كل مايخلص يعيدو ..ويعيدو..ويعيدو .. لحتى ينفجر بوشهم متل نبع المي”.

وذكر الممثل السوري عن فيديو ياسر العظمة: “هاد الفيديو هو بث الاخبارية السورية بحالها .. مافي داعي لخبر تاني .. هو الدراما السورية .. هو مرايا يلي تربينا عليه”.

وختم مكسيم عن فيديو نجم مرايا: “هو وجعنا .. هو سورية يلي كنا منتمنى ..مهما حاولو يشوهوا حقيقتنا .. شكراً ياسر العظمة”.

وكان الفنان السوري ياسر العظمة قد أطل بحلقة جديدة من برنامجه تحدث فيه عن أسباب هجرة السوريين خارج بلادهم وعدم رغبتهم بالعودة في ظل الواقع الحالي.

وأكد العظمة أن سورية لم تعد كما كانت وأصبحت لاتشبه الوطن الذي عرفه أبناءها “بلدي صار وجهها ناشف عابس وحاطة العقدة”.

كما ذكر بأن مدن سورية أصبحت كئيبة ومشحرة ومن يأتيها لن يعرفها ولن تعرفه بسبب التغييرات السلبية عليها.

#مرايا_ابدولية

مقالات ذات صلة

زر الذهاب إلى الأعلى